காரைநகர் மடத்துக்கரை முத்துமாரி அம்மன் ஆலய ஆடி மாத சிறப்பு வழிபாடுகள்

ஆடி மாதம் பிறந்துவிட்ட நிலையில், அம்மன் வழிபாட்டிற்கு உகந்த இந்த புனித மாதத்தை முன்னிட்டு காரைநகர் வலந்தலை மடத்துக்கரை முத்துமாரி அம்மன் தேவஸ்தானத்தில் "ஆடி முளைக்கொட்டு இலட்சநாம அர்ச்சனை 2026" சிறப்பு வழிபாடுகள் நடைபெறவுள்ளன.

ஆடி மாதத்தின் சிறப்பு என்ன?

இந்து சமய நம்பிக்கைப்படி, ஆடி மாதம் "அம்மன் மாதம்" என்று போற்றப்படுகிறது. வருடத்தின் இரு அயனங்களில் ஆடி முதல் மார்கழி வரையிலான காலம் தட்சிணாயணப் புண்ணிய காலம் எனப்படுகிறது. இம்மாதத்தில் சூரியன் கடக ராசியில் சஞ்சரிப்பதாகவும், அது சந்திரனின் ஆட்சி வீடு என்பதால் சக்தி வழிபாட்டுக்கு உகந்த காலமாக இது கருதப்படுவதாகவும் கூறப்படுகிறது. இதன் காரணமாகவே வேப்பிலை, எலுமிச்சம் பழம், ஆடிக்கூழ் ஆகியவை அம்மனுக்கு அர்ப்பணிக்கப்படுகின்றன - இவற்றுக்குப் பின்னால் உஷ்ணத்தைக் குறைக்கும், நோய் எதிர்ப்பாற்றலை அதிகரிக்கும் மருத்துவப் பயன்பாடும் உண்டு என நம்பப்படுகிறது.

இந்த மாதத்தில் ஆடிப்பண்டிகை, ஆடி அமாவாசை, ஆடிப்பூரம், நாக பஞ்சமி, ஆடிப்பெருக்கு, வரலக்ஷ்மி விரதம் உள்ளிட்ட பல வைபவங்கள் இடம்பெறுகின்றன. ஆடிச் செவ்வாய், வெள்ளி, ஞாயிறு நாட்களில் பெண்கள் விரதமிருந்து, வேப்பிலை ஆடை தரித்து, அலகு குத்தி, பூ மிதி விழாக்களில் பங்கேற்று அம்மனிடம் வேண்டுதல் செய்வது வழக்கம்.

காரைநகர் வலந்தலை மடத்துக்கரை முத்துமாரி அம்மன் கோயில் நிகழ்ச்சி நிரல்

இந்த ஆண்டு ஆவணி 1 முதல் 12 வரை முத்துமாரி அம்மன் தேவஸ்தானத்தில் இலட்சநாம அர்ச்சனை நடைபெறவுள்ளது:

• 01/08/2026: காலை 8 மணிக்கு அனுக்ஞை, கணபதி ஹோமம், நவக்கிரக ஹோமம்; மாலை 5 மணிக்கு வஸ்துசாந்தி, மிருத்சங்கிரகணம், ஆடிமுளைக்கொட்டு அங்குரம், ப்ரதிசரம்.
• 02/08/2026: தினமும் காலை 3.45 உஷாகால பூஜை தொடங்கி, 4 மணிக்கு அபிஷேகம், 5.45-க்கு காலை சந்தி பூஜை, 7 & 8.30 மணிக்கு இலட்சநாம அர்ச்சனை, 10.15-க்கு நிறைவு திருவருள் பிரசாதம்.
• 04/08/2026: காலை 3 மணிக்கு யாத்திரா பூஜை, சகஸ்ரநாம குங்கும அர்ச்சனை.
• 11/08/2026: இலட்சநாம அர்ச்சனையின் பூர்த்தி 10ம் நாள் - மஹா பூர்ணாஹுதி, கோபூஜை, கலச புறப்பாடு, மஹா அபிஷேகம், மஹா தரிசனம், மஹா ஆசீர்வாதம்.
• 12/08/2026: மாலை 3 மணிக்கு வைரவர் சாந்தி உற்சவம்.

பக்தர்கள் பெயர், நட்சத்திரம் பதிவு செய்து அர்ச்சனையில் பங்குபெறலாம். அபிஷேகத்திற்கான பால், தயிர், பழவகைகள், பூக்கள், கற்பூரம், தேங்காய், எண்ணெய் உள்ளிட்ட பூஜைப் பொருட்களையும், ஹோமத்திற்கான திரவியங்கள், தானியங்கள், நெய் ஆகியவற்றையும் கொடுத்து உதவலாம் என அறிவிக்கப்பட்டுள்ளது.

ஆடி மாதப் பிறப்பு அபிஷேகம்

இதற்கு முன்னதாக, ஆடி மாதப் பிறப்பையொட்டி விநாயகர் வழிபாடு காலை 5.30 மணிக்கும், அபிஷேகம் 5.45 மணிக்கும், விஷேட பூஜை காலை 7.45 மணிக்கும் நடைபெற்றது. தொடர்ந்து அர்ச்சனை வழிபாடுகளும் இடம்பெற்றன.

மேலதிக விபரங்களுக்கு:
+94771710748
பிரம்மஸ்ரீ சரவணபவானந்த சர்மா,
பரம்பரை ஆதீனகர்த்தா.

அனைவரும் வருக, அன்னையின் திருவருளைப் பெறுக.